भाजपचा अंतर्गत सर्व्हे आला समोर; 175 नगरपालिका व नगरपंचायती जिंकणार?

भाजपचा अंतर्गत सर्व्हे समोर. भाजपनेकेलेल्या या सर्व्हेनुसार पाहिलं तर, निवडणुकीत भाजपचे एकूण 175 नगरसेवक होतील विजयी.

Nagarpalika Election Survey Of BJP : राज्यभरातील 246 नगरपालिका आणि 42 नगरपंचातींच्या निवडणुकांचा प्रचार शेवटच्या टप्प्यात आहे. येत्या 2 तारखेला मतदान होऊन 3 डिसेंबरला या निवडणुकांचा निकाल जाहीर होणार आहे. भाजपने प्रचारासाठी या निवडणुकीत आपली टीम उतरवली असून त्यांचा अंतर्गत सर्व्हे देखील आता समोर आला आहे. भाजपने (BJP) केलेल्या या सर्व्हेनुसार पाहिलं तर, निवडणुकीत भाजप 175 नगरपालिका जिंकले म्हणजेच एवढ्या ठिकाणी भाजपचे नगराध्यक्ष होतील. महायुतीत आणि निवडणुकांमध्ये भाजपच मोठा भाऊ असणार असल्याचा या सर्व्हेचा अंदाज आहे. त्यामुळे भाजप कार्यकर्ते मोठ्या उत्साहात असल्याचं चित्र आहे.

मुख्यमंत्री देवेंद्र फडणवीस (Devendra Fadanvis), उपमुख्यमंत्री अजित पवार (Ajit Pawar) आणि एकनाथ शिंदे (Eknath Shinde) यांनी प्रचारात आघाडी घेतली असून मतदारांना विकासकामं आणि भरपूर निधी देण्याचं आश्वासन त्यांच्याकडून देण्यात येतंय. भाजप प्रदेशाध्यक्षासह जवळपास सगळेच मंत्री प्रत्येक नगरपालिका आणि नगरपरिषद पिंजून काढत आहेत. त्यातच आता भाजपचा अंतरंगात सर्व्हे समोर आला असून या निवडणुकांत भाजपच मोठा भाऊ ठरणार असल्याचा अंदाज या सर्व्हेत वर्तवण्यात आला आहे. या सर्व्हेनुसार राज्यात भाजपचे एकट्याचे 175 नगराध्यक्ष निवडून येण्याचा अंदाज आहे. राज्यात नगराध्यक्ष पदासाठी 242 ठिकाणी भाजपचे तर 46 ठिकाणी महायुतीचे उमेदवार रिंगणात आहेत. भाजप सर्वाधिक जागा लढवत असल्यानं भाजपचं राज्यात मोठा भाऊ असेल असा विश्वास व्यक्त करण्यात येतोय.

मोठा निर्णय, अहिल्यानगर जिल्ह्यातील 4 नगरपरिषद निवडणुका पुढे ढकलल्या; नेमकं कारण काय?

दरम्यान भाजपचे मंत्री चंद्रकांत पाटील (Chandrkant Patil) यांनी आम्ही 200 नगरपालिका जिंकू असा विश्वास व्यक्त केला. महाराष्ट्रात एकूण 280 नगरपालिकांसाठी निवडणूक होत आहे. त्यातील 242 ठिकाणी भाजप कमळ चिन्हावर लढवत असून त्यापैकी 200 जागांवर आम्ही विजयी होऊ, असा विश्वास मंत्री चंद्रकांत पाटील यांनी व्यक्त केला. निवडणुकांच्या प्रचाराला आम्हाला चांगला प्रतिसाद मिळतोय. सभांना मोठ्या प्रमाणात गर्दी होत आहे. मुख्यमंत्री देवेंद्र फडणवीस आणि आम्ही सगळे फिरतोय. त्यामुळे या निवडणुकीत देखील आम्हाला महाराष्ट्र आणि बिहार विधानसभेसारखं यश मिळेल, असा विश्वास देखील त्यांनी व्यक्त केला.

संबंधित बातम्या